منتديات ارض العراق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ملتقى جميع العراقيين
 
الرئيسيةأحدث الصورالتسجيلدخول

 

 جبتلكم مجموعة ابوذيات منوعة

اذهب الى الأسفل 
كاتب الموضوعرسالة
اني الحلاوي
عضو نشط
عضو نشط



ذكر
عدد الرسائل : 46
العمر : 34
المهنة : جبتلكم مجموعة ابوذيات منوعة Pilot10
الهواية : جبتلكم مجموعة ابوذيات منوعة Sports10
تاريخ التسجيل : 26/06/2008

جبتلكم مجموعة ابوذيات منوعة Empty
مُساهمةموضوع: جبتلكم مجموعة ابوذيات منوعة   جبتلكم مجموعة ابوذيات منوعة Emptyالثلاثاء يوليو 08, 2008 11:27 pm

السلام عليكم :


زعلت وما اعرف اشلون مرظاك:
ومن زعلك زهر اللسان مرظاك
تمرظت وطبيبي ايكول مرظاك
دواه ان ترظه ماتزعل عليه

تاه العكل وانته اتعرف ونته
زدليلي بس يذكرك تخف ونته
الكمر بل الليل ينطي النور ونته
لشمس والكمر ونجومه الزهيه



انه اصلك يناهي وانته صلي
انه صل لعدوك وانته صلي
صلاتك ماتنفعك من تصلي
بسب مكفاك وافعالك رديه



اصيل انته ومضيفك دوم تنضاف
وكلبي وياك من الالم ينضاف
العمر فوك العمر ياريت ينضاف
لشيلن عمري الك وانطيه هديه




بعد كلبي على شوكك مالحنه
بسبب عنبك جفوفي مالحنه
ابد مابيك غزر مالحنه
كلت زادي ونويت اتعظ ايديه



صرت من كثر ظيمي منخلاني
ولاشفت الفزعلي منخلاني
بعد ماحسبه صاحب من خلاني
وحيد وضحك الشامت عليه


ذبت ابنار هجرك مايع اني
وبقه كلبي يعاني مايعاني
اذا تعطش اشرك ماي عيني
واجيب الروح لعيونك هديه



ثلوج اشتاي صبت مره مره
واحس الريك علكم ضاك مره
صرت حال السجين ايريد مره
يعزي امه وبيه يموت اخيه



نسيلك يادمع المن ونهلاك
ونذوب الياوكت بل الحب ونهلاك
عمامك وين دليني وين اهلك ونهلاك
اجيك ولو تشب نيران بيه



زماني مارحم بيه ولدعم
وبعد ماوجد الاحمر والادعم
اباوع بل الزلم مامش ولد عم
ولا صاحب وفه ويحن عليه



الك بس هل دمع عيني والك صب
والك ساس بوسط روحي والك صب
سهم هجرك دخل صدري والك صب
دليلي وصار طشاره بديه



وحك المن خلقهم حور والعين
عضاي لشوفتك ياترف والعين
يوم المااشوفك اسب والعن
اسب يومي وصباحي بكل مسيه



اكوم اجلالن الحسنك وقف لك
واقدم كلبي ياخلي وقف لك
واحطك به واقفلنه وقف لك
واطب بصدري واقفلكم عليه



قصور عند الخلك وانه اسكن بكله
ايصير ابحزن وبقهر اكضي العمر كله
مايوم كلي نعم كل الدهر كلا
والزمن يمشي عكس مايوم خذ سطره
خلبص عليه الوضع ياهو الي يسطره
فد يوم كضني الوكت كتله اخذ سطره
كيفت من مااخذ شو هذا اخذ كله


^^^^^^^^^^^^^^^^^
غيرج ماحلى بعيني ولا طاب
ولا دونج دخل قلبي ولا طاب
يجرحي وياج ماهود ولا طاب
دم ينزف ولا تدرين بيه

^^^^^^^^^^^^^^^^^


جمالك زاد عن يوسف وقبله
وحبك صار الي منبر وقبله
امر إعلى الصخر اني اقبله
لن گلبك صخر ما حن عليه

^^^^^^^^^^^^^^^^
مره اصفن عليكم مره سايل
مره الدمع ناشف مره سايل
مره احتار شكتب من رسايل
مره انتظر ساعات المنيه
^^^^^^^^^^^^^^^
ثلثين الليل ما نامة وحس به
اعدة ساعة الساعه واحسبة
تجي حسبة تسليني وحسبة
تهيج كل الم ساكن علية
^^^^^^^^^^^^^^^^
ادهر من يوم فركَانه شملنه
جزانه وجنّه ما يدري شملنه
النوايب شتتن منه شملنه
بعزر بعض وبعض حدر الوطيه
^^^^^^^^^^^^^^^^^^^
مضالي من العمر خمسين عاماي
مثل مجنون طب وطلع عاماي
هاي تكول بويه وهاي عاماي
من سلم بعد ما ظل ذوق إليه
^^^^^^^^^^^^^^^^^
ماتدري بجفاك الكلب ماراد
وكتي وليريده عمل ماراد
بعالي الصوت أصيحن يرد ماراد
هلال اللي مشه ميعود إليه
^^^^^^^^^^^^^^^^^^
بعد ما اذكرج بحالي و اشعرج
انا بنثرج جنت نغمة و شعرج
تلاكن حظي و عيونج و شعرج
سواد و صار يومي اظلم علية
^^^^^^^^^^^^^^^^^
أصد وازعل وادير العين طبعان
لجن لجمات إلك بالقلــب طبعان
حلو بكلشي لكن بيــــــك طبعان
تـشــــك وتــغار بيــــــــها عليه
^^^^^^^^^^^^^^^^^^
على ضيم الهوى ياروحي علمي
بيهة ارفعت من هاليوم علمـــــي
سألتها المستوى كالتلي علمــــي
سادس ومنو الينشد عليـــــــــــة

^^^^^^^^^^^^^^^^^
يباري المرض هد حيلي وهدني
ولامرة ابتعد عني وهدني
ارشدني لرحمتك يارب وهدني
طريح فراش والونه خفيه


:010: شتطلب گالي أمرني متر تين
للطوله عنب متره ومتر تين
من حسنه ردت صدگ متر تين
متر للناس كلهه ومتره اليه


يگلبي التعبك همك ولو جاك
حبيبك لا سئل عنك ولا جاك
قيس الما عشگ عشگك ولا جاك
العشگ روز وغرگ تحت ال ميه

امن اشفافه يريگي اليوم بل بل
لأن هو بشر بس صوت بل بل
أگله اني احبك لا بل بل
احب أمك لأن جابتك ليه

الگلب من ساعة الحبك هلك ليش
احچي اوياك ما تحچي ها لك ليش
اقتنعو كل هلي ابحبك هلك ليش
ما قنعو ابحبك ليش اليه

خطي اني العشگ هم نفس خطك
يعشگ ونكتب باقلام خطك
أخابر شو طلع مقفول خطك
واذا مفتوح بس رمش عليه

گلبي اعله المحبه اوياك صر صر
وحروف اسمك وسط نبضه صر صر
المثل چفك هضيمه ايشيل صر صر
لأن چفك ورد بل مزهريه
ذبح تفخيخ ياوادم خلصنه
بسبب للدين واليمّه خلصنه
يصاحب بالفرج عجل خلصنه
طغيان وظلم عم البريه

قدر مكتوب حبك من تقسمة
الواحد مالة ناتج من تقسمة
لون بسيوف گلبي من تقسمة
وتشوف محبتك شمسوية بية


تغاخذ من حسنه يوسف اية اية
وقريت كتاب ربي اية اية
افز من حلمي اصيحن اية اية
عليها عيون وشفايف جاذبية


زماني ضاع ارد اسئل واناشد
واسوي الحان واشعار واناشد
شدني الكبر من ايدي واناشد
واكل للموت ما تكدر عليه


لون يدري بدليلي شكو مالام
ومن ولفي تراني حيل مالام
صرت مثل اليتيم وظال مالام
لا بو ولا كرابة تحن عليه

حزينة الدار والدلة عليهم
اكرام وينشد الخاطر عليهم
دشيل هموم ياكلبي عليهم
وجددحزنك كل داير سنة

باع الفرح كلبي وشتراهم
من سوك الحزن أحزانة أشتراهم
ماينفع دوة العلتي أشترهم
دواي دموع أهل صبح أومسية

مايوم قلبي الوفي ينسة أبد صاحبة
وهنيالة من صاحبك وأنت صرت صاحبة
شما طال بينة الوكت يبقىالوفي صاحبة
وتبقى عزيز الكلب التنعز علية

الوفى يبقى طبعنا مانرائي
وهمومي شأرى منك مانرائي
نخيط العين والله وما نرى اي
بشر غيرك وحك رب البرية

اوعى بالضماير ردت يوعان
طحت ما شفت منهم كام يوعان
صديجي اللي طعمته جان يوعان
مسح حلگه بقميصي وعظ اديّّه

شفت مغرور مد جنحة وهيمن
وعلى ساعة أشد رحلي وهيمن
أناأبن الوالدة الطيبةوهي من
تهز الكون لو تسمع بأذية

عليها عيون تكتل قابلاني
حبيبي انت اي ظالم قابل اني
تجرحني اجرحك قابل اني
لآن بالحالتين الوجع بيه

نحل الجسم من بعدك تراني
واريد عيونك كل لحظه تراني
وافكر بيك كل ساعه تراني
الضيم والقهر والحزن مكتوب اليه

تروح الروح بغيابك واردهه
وكتاب اجفاك يمدلل وردهه
روحي بغيابك تره يذيل وردهه
ماي انت وترد الروح بيه

مو معدن ذهب معدنك صفرين
وهذني رسوم وجهي عليك صفرين
انت واحد وانه مو صفر صفرين
عد يمناك حطني اتصير ميه

عجيبة اشلون ماسموك وردة
ويحالي حال المجنون وردة
بحديقتنة اتمنى تصير وردة
اشتمك كل صبح وكل مسية

تشم ريح العذيبي من هوانا
نحبه احنه ونقدره من هوانا
لون تسئل علية منهو انه
انا الماباع كاعه وخان مية

طالب والدهر ذبني وحبيت
وحظي الردي ورطني وحبيت
مو مثل الخلك عاشك وحبيت
انه حبي عكس كل البريه

سهمك صابني للحين بعداه
دليلي وكمت اصيحن اه بعداه
غيرك ما يسوي هيچ بعداه
ولا يعمل عملتك هاي بيه

انه الواضح ولمبين ولا خاف
ونه الما نكص وزني ولاخف
ونه الما رجفن اجدامي ولا خف
اختفيت وخفت خف وزن العليه

المحب بالدلال باص خطه
يحبني واعترفلي وهاذ خطه
اذا ابغداد صار اليوم خطه
على طولك نحط مو خطه ميه


احبك ما أحب على الارض سواك
وسبحان الـذي من طين سـواك
بشر لاجن وي الكمر ساواك
واحد فوك وواحد بين اديه
...............................
اخوكم سامر البابلي
الرجوع الى أعلى الصفحة اذهب الى الأسفل
 
جبتلكم مجموعة ابوذيات منوعة
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات ارض العراق :: المنتدى الادبي :: ديوان الشعر الشعبي-
انتقل الى: