طالب وعايف دروسي
واقرة اشعار وجرايد
وعاشك بنية بقسمنا
والكلب بس اله رايد
هية حلوة هواي حلوة
واني عمي شلون واحد
بالفرن ناسيني اهلي
وحتى لون عيوني جارد
حاولت الفت نضرها
بكل وسيلة وماكو فايد
غيرت لبسي ومشيتي
وفكري بالمودات شارد
جللت شعري وصبغتة
ولبست حتى كلايد
كعدتني على الحديدة
ولا بعت حتى الحدايد
لا تكلي ولا اكلك
بهذلتني والله شاهد
هية تدري بس خبيثة
مثولة والدلال بارد
واني نار بنص دليلي
خاف اصارحها وتعاند
مرة اكول احجي معاها
ومرة اكولن خلني راكد
وين جانتلي يا ربي
جنت متونس وكاعد
وقررت لازم ابوح بحبي
الها وما احايد
بوري ما بوري اسولف
قابل مصارح مجاهد
جيت وتقرب يمها
جسمي يرجف حيلي خايف
والضغط يمها تخربط مرة نازل مرة صاعد
كمت امتمت كمت اعتعت
كمت احس بلساني جامد
جني سيارة عتيكة ومنكسر
من عدها كايد
ردت افلت ماعاد ترهم
كالت تفضل شرايد
كلت عفوا من رخصتج
بلكي عندج قلم زايد
انتظر ردودكم الحلوة ............
تقبلوا تحياتي اخوكم سامر البابلي
الإثنين يوليو 07, 2008 11:04 pm