[size=18]ما يوم روض الوفه من الورود احمد
للمشه بخير وشرف واجب علي احمد
حبي و ودادي النبينه المصطفى احمد
دايم يظل متصل يا ربي يشهد علي
خل يقسي بيه الدهر ويزيد ظيمه علي
انا ما اعوف حب الوصي وابقى بولاية علي
بستان حيدر زهه هاك انظر الزهرة
والي يذبلي زهر ما همني الزهرة
للموت اصيح بحزن مظلومه يالزهرة
حب الزجيه عمل ما يصح مثله حسن
وبعروكي ماي الوفه من نهر ودها حسن
عد يا مره من ولد مثل الامام الحسن
الحنظل بحبهم عسل ياشفافي بي لحسين
بحب ال طه ارتقي من احسن لاحسين
هنياله كلمن صبح خادم صدك لحسين
والي يضدهم هلك لو عمره ظل سجاد
الشيعتهم انا فرشت جفن النظر سجاد
ومنك خذيت الصبر يا سيدي السجاد
بصبر العليل اعترف وك يا زمن باقر
عود الصبح للعلم بين الملا باقر
ارسل سلامه النبي لمحمد الباقر
اهل الذكر نهجهم اخذوا علي صادق
ما عدهم ابدا زلل كل قولهم صادق
جعفري انا وهلي وامامي الصادق
خل يبرد بشفرته دهري ويحد موسى
عاشك وقلبي شرك جن العشك موسى
الغايتك يا من ردت صد وجهك الموسى
كلمن قصد حضرته بالخير رد والرضا
نسحك بعظم اليضد ونكسره والرضا
بالكاظم انا اقسمت يا سامعي والرضا
ودهم الروحي درع بيه المخاطر تقي
والبايع ال النبي محسوب هذا تقي
يا مذهب امامهم كلي جواد وتقي
مذهب الشيعه الصبح للغانمه هادي
للشيعه عمري نذر وبلا ثمن هادي
عاشر انوار الهدى من فاطمه الهادي
عسكري بصدر الشعر ما ينهزم عسكري
جندي البني فاطمه واكضي العمر عسكري
لمن يهل بالنصر ابنك يهل العسكري
المتسمي باسم النبي مهدي الامم احمد
الثلاثاء يونيو 17, 2008 7:22 pm
