انشد الدكتور والشاعر وياه *** شنهو الدوه الموصوف للفارك اهواه
شلتك دمع بالعين يوم العرفتك *** ومحد وصـف محبوب كدما وصفتك
ماعندي كل جروح بس جرح فركاك *** وكل جرح بيه يطيب من اكعد وياك
تظحك عيون الناس وعيوني تبجي *** بعدك حبيب الروح ويامن احجي
طول وحسن وعيون من هجم بيتك **** والعماره كلهه تروح فدو المشيتك
دايم عساك بخير يالطيبه ذاتك *** اتمنى كل الكون تحمل صفاتك
لا تظن يوم انساك يالروحي عندك *** لوما كفر بالدين صدكني اعبدك
خايف أدك عليك وخايف تملني *** فز كلبي تالي الليل وعنك سألني
الجاره شنهي وياك واهلك يضدون *** هوه الگلب يهواك شعليه العيون
من عيني مدري شطاح لا دم ولا ماي ... يمكن سواد العين من فركة هواي
كل فرگه صعبه تصير انساها وتهون **** بس فركتك تيزاب صارت بالعيون
هاك الگلب والروح وهم هاك العيون *** وهاك اخذ عقلي وياك خليني مجنون
انتَ بالكلب نايم وضلوعي يحرسنك *** عمت عين النبض والروح اذا فد يوم ينسنك
منهو اليكول انساك ما ضنه عاقل *** انته اغلى ما بالروح كلي فكري شاغل
من الماي اغار عليك لو لمس خدك *** هيج انا اغار عليلك اي وحك جدك
مثلك ابد ماصار شمبقي للناس *** شايل جمال الكون يل كلك احساس
شنو هالجمال البيك خبرنا عنة *** شايل جمال الكون شمخلي النة
تسأل عليك الروح حاير شكلها *** مدري انت نص الروح مدري انت كلها
طلب وكولن صار تامرني انته *** عمري من اول يوم باسمك رهنته
الإثنين يونيو 23, 2008 12:01 pm