شخصياتنا قبل الكليه ( لما جنا بالسادس ) و بالكليه تغيرت ) شوفوا شلون
.
.
.
1- الهدوء : بالكليه صرنا عقال بعد ماكو خبالات و تهنجل مثل ايام الاعداديه
.
2- الولد صاروا يحطون ريحه و يصبغون الحذاء كل يوم
.
3- البنات صارن يحطن اكثر من دنبوس بالربطه و كل شويه يدخلون للحمامات حتى يعدلون الربطه طبعا اذا الربطه مو عدله منو راح يباوعلهم
.
4- الكشخه : و هذا شي معروف عن طلاب الطبيه يطب بالكليه رافع خشمه تكول علم و يمشي باستقامه و نافش ريشه
.
5- التكبيل : و حطوا جوا هاي الكلمه 50 خط ليش لانه كل اللي يطب للكليه اول شي يسويه يشوف يا هي احلى وحده حتى يكبل وياها و هذا طبعا هم لزوم الكشخه
.
6- قوة الشخصيه : اول ما ندخل الكليه تقوى شخصياتنا و نكوم نتعارك و نصيح و نتكافش و لا يهمنا أي شي لو تطب لكليه تلكى العركات اكثر من سوك الخضره
.
7- السج : لما خلصنا السادس كلنا اييييه هسه ارتاحينا و راح نبطل سج و لما دخلنا الكليه انصدمنا بالواقع المؤلم مية محاضره باليوم في حاجه الى سج و واقعنا المؤلم الماساوي انه صرنا نسج اكثر من قبل يعني اللي جان يقرا 24 ساعه باليوم صار يقرا 56 ساعه باليوم
.
8- الاكل : امهاتنا جانوا يحطولنا لفات جبن بالجنطه قبل ما نروح للمدرسه هسه صرنا نستحي نطلع اللفه من الجنطه و بيني و بينكم اكو اللي ضبطتهم متلبسين بالمصلى يطلعون لفاتهم من الجنطه و ياكلون نياهاهاها و بما انه احنه نستحي و نخجل كلش كلش صرنا نروح للكافتيريا اذا الواحد ابوه جانت ساعته زينه و انطاه 5000 ( حيييييييييل و الله متكلف ) اما اذا جان ابوه متعارك ويا امه و انطاه بس 1000 ذيج الساعه يروح و هو مستحي لخاله ام عباس ( هاي الفراشه مالتنا ) و يدزها تشتريله فلافل
.
9- ضرب المحاضرات : قبل جنا نكعد على الرحله قبل ساعه من بداية الدرس هسه صرنا ما نطب محاضرات
.
10- ماكو لحم : ورا ما انصدمنا بواقع الكليه و خصوصا ورا ما تعرفنا على عمو cadaver طبعا اعرفكم عمو cadaver هو جثتنا الحبيبه صرنا ما ناكل لحم لانه اول ما نشوفه نتذكر عمو cadaver و ريحة الفورمالين اللي تعط منه
الجمعة يونيو 27, 2008 4:32 pm