دخيلك كلبي بيدك لا ............. تهده
وصرح جنت انه اشوفك لا .... تهده
ضيمك جالحزن سكره لا ...... تهده
وخلنه ويه الفرح نكعد سويه
ـــــــــــــــــــــــــــــــــــــــــــــــــــــــــــــــــــــ
اريد اكظي العمر وياك........ كله
ولا احجيها لك فد يوم ........كله
عيونك لا تطكني بكول........ كله
جزاء ارجوك سددهن عليه
ــــــــــــــــــــــــــــــــــــــــــــــــــــــــــــــــــــــــــــ
انت الكلب بيدك ونت خله
وجذب ما نكدر نعوفك ونتخله
هاك وياك بختي ونت خله
واقبل لو تحط بختك عليه
ـــــــــــــــــــــــــــــــــــــــــــــــــــــــــــــــــــــــــ
امس وانه بحلات النوم.......... شفتك
ودخيلك موتتني هواي........... شفتك
ردت بوسه وكلت لي بعيد...... شفتك
لان شفتك صفت ميلاد اليه
ـــــــــــــــــــــــــــــــــــــــــــــــــــــــــــــــــــــــــ
حدي
حدي وياي دومه اوياك.......... حدي
وعميت ولا نفع وياك ...........حدي
يدنيه ارجوج ويه اعضاي......حدي
سجاجين الحزن خل تصحه بيه
وردن
سوالف راحن ابالي............وردن
ونخيت اوياه كل دهري.........وردن
جنت مثل العسل بيده...........وردن
للجروح الجانن ايدكن عليه
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
حبيبي ارجوك كلبي اوياك...... تركه
لان ما عندي غيره اهديك.......تركه
اذان الناس كلها اشيل .........تركه
ونه البذني وصاتك تركه ليه
الإثنين يونيو 30, 2008 3:57 pm
